Nel 1966 int’un pianotera de piaza Barbacan drio l’Arco de Ricardo viveva ‘ncora una familia… Zitavecia ormai se stava spopolando e se studava per sempre el calor de le sue case… Stefi e Pino no podeva ‘ndar via de la, perchè i gaveva do fioi ancora de sposar e iera ‘ssai dura guadagnarse de viver solo portando vin co’ l’Ape per le osterie. Pino, però, gaveva un “amico” – ogi se diria un amico virtual – e… “chi trova un amico,trova un tesoro”… Cussì anche lu lo ga trovà e ‘ssai grando, dato che se tratava adiritura de Franz Josef. El mito de la vecia Austria gaveva impresso nel ‘subconscio’ de Pino una gran bela medaia e… fermemose qua, perchè tute le bele medaie ga el suo bel roverso…